Labahlolwako balindzeleke kutsi baphendvule munye umbuto esigabeni A, munye esigabeni B namunye esigabeni C.
Cala leso naleso sigaba ekhasini lelisha udvwebele emva kwaleso naleso sigaba.
Shiya umugca emkhatsini wetimphendvulo takho.
Bhala ngebunono nangesandla lesifundzekako kusita labatawuhlola umsebenti wakho.
Caphelisisa sipelingi nendlela yekwakha imisho.
SIGABA A: INDZABA
Bhala indzaba NGASINYE saletihloko letilandzelako ibe ngemagama lali-190 - 240.
NOBE
Bhala indzaba ucondzise kulomfanekiso longentasi. Indzaba yakho yinike sihloko lesifanele.
NOBE
Khetsa munye kulabaholi ubhale ngaye indzaba lechaza ligalelo lakhe enkhululekweni yalelive.
NOBE
Lengingakwenta nangingaba ngumceceshi weBafana Bafana. [50] NOBE
Buhle nebubi bekutsi bafundzi baphatse bomakhalekhikhini etikolweni. [50] NOBE
Uyavumelana yini nekutsi emantfombatana lakhulelwe angavunyelwa kuya etikolweni kepha bafana labawakhulelisile bona bachubeke nekufundza? [50]
SAMBA SIGABA A: 50
Khetsa kunye kulokulandzelako ubhale ngako ngemagama langema-80 - 100.
Umzala wakho longuthishelanhloko ushonile engotini yemoto. Wena ucelwe ngumndeni kutsi ubhale umlandvo wakhe njengobe nilungiselela lusuku lwekumfihla. Bhala lomlandvomufi. [30]
NOBE
Untjontje imoto yakini ngalesikhatsi batsi yiwashe wase uyayishayisa. Bhala inkhulumomphendvulwano emkhatsini kwakho nemtali wakho. [30]
NOBE
Bhalela umngani wakho incwadzi umhalalisele ngekutfola umfundzate wekuyofundzela bunjiniyela eJapan. [30]
NOBE
Kukhona lokusolako ngamakhelwane wakho. Usola sengatsi kukhona lakwentako lokuphambene nemtsetfo. Bhalela umphatsi siteshi semaphoyisa sangakini umatise ngaletinsolo, uchaze nekutsi yini lena lekusolisako. [30]
SAMBA SIGABA B: 30
Khetsa kunye kulokulandzelako ubhale ngako ngemagama langema-60 - 80.
Uvule sitolo semculo lapho uhlala khona. Bhala sikhangisi kute watise sive ngalesitolo sakho. [20]
NOBE
Sikolo senu sihlela kwenta lidzili lakhisimusi, sentele bantfwana labahlala ekhaya letintsandzane. Bhala likhadi lesimemo ubameme. [20]
NOBE
Bantfwana labanyenti endzaweni yakini abakhoni kutfola imali yesondlo kuhulumende ngenca yekweswela lwati. Njengasonhlalakahle ubone kufanele kutsi ubhale tindlela labangatilandzela kute batfole lemali. Ase utibhale. [20]
SAMBA SIGABA C: 20
SAMBA: 100
